أحسن ناس

جورج فريد نقولا مرشح النواب عن عين شمس: أنا خادم لأهل دائرتي سواء كنت داخل أو خارج المجلس

نرمين فاخر

يعد المحامي جورج فريد نقولا إحدى العلامات البارزة في مهنة المحاماة فهو خبرة أكثر من 25 عامًا بالمحاماة بكافة المحاكم وهو المستشار القانوني لعدة شركات وله مهارات قانونية متعددة.

وعلى الصعيد الإجتماعي، نجده يمتلك شخصية إجتماعية قيادية تمكنه من قيادة فرق العمل بشكل سلس ومرن والتواصل مع المعنين بشكل ممتاز، كما أنه يتميز بالقدرة على العمل الجماعي والإندماج مع الأخرين وبناء علاقات إجتماعية بناءة، والقدرة على التقليد الإبداعي بأسهل الطرق وأقل التكاليف والتجديد في الوسائل وحل المشكلات.

السطور التالية تحمل تفاصيل حوار مثير أجراه «ويك إند» معه لنقترب أكثر منه ونعرفه عن قرب.. من هو جورج فريد نيقولا المرشح البرلماني عن دائرة عين شمس.

  • لو هتعرف نفسك في كلمات قليله هتقول أيه عن جورج فريد نيقولا ؟

أنا جورج فريد نيقولا محامي بالنقض والدستورية والإدارية العليا، مواليد عين شمس سنة 75 أتربيت وكبرت في عين شمس وكان كل أملي أني أدخل كلية حقوق حتى وأنا صغير كنت بكتب على الطبلية اللي بناكل عليها، ولما دخلت كلية حقوق حلمت أني أكون عضو لمجلس النواب والحمدلله السنة دي أتقدمت بطلب وتمت الموافقة عليه وأخذت رمز التمساح.

  • هل ترى أنك حققت كل ما كنت تحلم به وتتمناه؟

الحمدلله مفيش حاجة حلمت بيها غير أني سعيت واجتهدت وتعبت لغاية ما حققتها والحقيقة أني معنديش سقف طموحات وأي شيء بتمناه بفضل ربنا أولا بقدر أحققه ودا إيمان وثقه في ربنا أنه بيحققلي اللي بطلبه منه.

  • مين اللي بيدفع جورج فريد للأمام وسبب في نجاحه وشهرته ؟

الحقيقة أن بعد ربنا ودعوات أمي هي زوجتى طبعًا هي كل حاجة ليا في الدنيا، زوجتي بعد وفاة أمي كانت هي دايمًا اللي بتسندني وبتدعمني طول الوقت وهي دايمًا اللي بتوجهني وتقولي الطريق المظبوط إيه والحمدلله على وجودها في حياتي.

  • ما هي الصفات التي أكتسبتها من مهنة المحاماة ؟

أهم صفه أن الحق صوته عالي ومفيش حق بيضيع وراه مطالب، طول ما ليك حق وبتطالب بيه هتقدر تاخد حقك، حتى لو كان فيه بعض العوائق بإصرارك تقدر توصل لحقك.

  • على الصعيد المهني أصبحت من أهم وأشهر المحامين الموثوق فيهم من مستويات وفئات مختلفه من الشعب ومع ذالك بتصر على أنك تدافع عن الغير قادرين بدون أي مقابل وبترجعلهم حقوقهم ؟

أهم شيء هو الصدق والأمانة وهما صفتين ربنا بيخلقهم في البني أدم زي الضمير والإحساس بالناس دي أحسن حاجه في الدنيا وأنا كتير تعبت في حياتي بسبب الحاجة، ودا كان حافز أني أهتم بالناس لأني ممكن أكون مريت بظروفهم علشان كده مقدرش أشوف حد محتاج ولا أساعده، وعندي الفقير الغلبان زي المشاهير وعلية القوم والإحساس بالناس دا نعمة كبيرة وإحنا مبنعملش حاجه لأن كله من إيد ربنا «من يدك وأعطيناك».

  • على المستوى الأجتماعي حققت شهرة كبيرة من خلال جروب كوكب الماسة ..كلمنا عن فكرة الجروب وأزاي نجح أنه يضم عدد كبير من كل الفئات والمستويات؟

الحقيقة أنا عندي أصدقاء كتير وكنت بفكر أني عايز أجمعهم كلهم في جروب، فإبني أقترح عليا نعمل جروب على إحدى وسائل التواصل الإجتماعي «فيس بوك» وفعلا عملنا الجروب وأتجمع فيه أكتر من سبعة ألاف شخص تحت شروط أنه مايتعرضش للدين أو للسياسة أو حتى للكوره علشان ميحصلش إختلاف ودايمًا بنعدي لبعض أي خلاف وعلشان كده كل اللي في الجروب أصحاب وأخوات بمحبه رغم أن فيه مستويات وفئات مختلفة لكن في حب وتفاهم وكأنهم أسرة وفي البعض قالولي أنت عامل نموزج هايل للشعب المصري.

  • كيف تقييم أسهاماتك على مستوى العمل الأجتماعي ؟

العمل الإجتماعي ممتع، ويمثل لي أهمية كبيرة والناس عندها عقيده أن عضوا مجلس النواب هو المسؤل عن رصف الشوارع وتجديد المنطقه ودا غلط لأن مجلس النواب أو النائب هو اللي بيناقش الحكومة في كل شيء يخص أهل دايرته وأنا لما رشحت نفسي لأني حابب أساعد الناس والحقيقة أن في ناس كتير طلبوا مني الترشح لأنهم شايفني مؤهل أني أكون نائب عنهم لخدمتهم واقتدى هنا برئيس مصر عبد الفتاح السيسى الذي يبذل جهود جبارة لصالح المواطن وخدمة الوطن.

  • كيف تنظر للعملية المرتقبة لأستحقاق مجلس النواب ؟

أنا عايز أقول طالما فيه رقابة قضائية يبقى نزاهة الإنتخابات بنسبة 100% ، ووارد جدا يكون فيه ناس بتتحايل على القانون لكن أن الدولة تعمل إشراف قضائي فدا حاجة كويسة جدًا لنجاح العملية الأنتخابية وإنشاءاالله ميكونش فيه أي تجاوزات والعملية الإنتخابية تمشي كويس.

  • ما العنصر الأكثر أهمية لضمان مستقبل سياسي أمن في مصر ؟

البرلمان يبدأ منه الأمن والأمان وهو الأساس في نجاح المنظومة، أنا لو عندي برلمان كويس هيقدر يحاسب الحكومة وتبدأ الحكومة تنشط وتعمل لصالح الوطن والمواطن وهيكون عندنا دولة عظيمة وهتوصل للي كلنا بنأمل فيه لأن مصر ظلت ثلاثين سنة منهوبة من الفاسدين وحاليا كلنا لمسين وحاسين بإنجازات الرئيس السيسي وزي ما قال مصر أم الدنيا وهتبقى أد الدنيا.

وجه كلمة لاهالى دائرة عين شمس الأنتخابات..

إن شاءالله هكون عند حسن ظنهم وربنا يولي من يصلح ولو ربنا أراد لي المنصب دا هيشوفوا عين شمس أحلى مكان وكل أهل عين شمس أهلي وانا تحت أمرهم في أي وقت.

  • بما أننا قناة وموقع «ويك أند».. جورج فريد نقولا بيقضي الويك أند إزاي؟

أنا أجازتي الخميس بكون مع أسرتي بنروح النادي ونقضي وقت كويس وبحاول يكون فى تواصل مع أهلي واصحابي .

  • المستشار جورج فريد بنشكرك وبنتمنالك التوفيق والنجاح وشرقتنا في قناة وموقع ويك أند .

شرفتوني وسعيد بلقائي معاكم وأهلا وسهلا بموقع ويك إند.

اظهر المزيد

مقالات ذات صلة

تعليق واحد

  1. جورج فريد نجم ساطع في مجال القانون والمحاماة ولديه ما يكفي من الخبرة و الامكانية الذاتية من توليد الافكار الابداعية والتداعي الفكري الحر والقدرة علي اتخاذ القرار المناسب في التوقيت المناسب لديه قدرة التخطيط الإستراتيجي و أيضا التخطيط التكتيكي في الدفاع و الهجوم أيضا مع القدرة التنفيذية ووضع الأهداف البعيدة المدي و القصيرة المدي واستخدام كافة الحلول الافتراضية البديلة لحل المشكلات كما لديه القدرة التفاوضية للوقوف علي نقاط مشتركة و مساحات تفاوضية للوصول لافضل نتائج لحل المشكلات لذلك يعد جورج فريد نيكولا هو الفضل لدائرة عين شمس وخير من يمثلنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock