تعرف معنا على حكاية العيش الفينو في تراثنا المصري

بلال قنديل

العيش الفينو طبعًا كلنا عارفينه بالإسم ده، لكن يعني إيه فينو؟ وليه اتسمي كده؟ عايزين تعرفوا سر الإسم ده؟ يالااا بينا نصلي على النبي ونرجع بالزمن لأوائل القرن اللي فات، وناخد بعضينا على الإسكندرية على حي الإبراهيمية بالتحديد.

لما جه واحد من الخواجات إيطالي، وعائلات كثيرة عندهم اسم العائلة fino، وفينو في اللغة الإيطالية معناها نهاية أو حتي.

المهم الخواجة فينو فتح مخبز للعيش الأفرنجي، وفضل المخبز ليصبح فيما بعد أشهر حلوانية ومخابز الإسكندرية، في حي الإبراهيمية عاش الخواجة فينو وفتح مخبزه بأشهر شوارعها وهو شارع لاجيتيه.

كان فينو بيتقن صنعته فيقدم لجمهوره المصريين والأجانب من سكان الإسكندرية عيش طعمه حكاية ما يختلفش عليه اتنين.

بشكل جديد مش متعود عليه المصريين، وعلى فكرة فينو بالإيطالي صفة بمعني رفيع، وربما كان هذا المقصود من شكل الرغيف الفينو.

وشوية شوية، بقي اسم فينو حاضرًا في كل المناسبات والأفراح حيث كان يوفر إحتياجات المناسبات دي حسب الطلب لدرجة أن افراح أغلب أهالي الأسكندرية في أفراحهم كانوا بيوصوا على الجاتوهات والعيش الفينو من مخبز فينو.

وزي ما ذاع الاسم في الاسكندرية، انتشر في باقي المحافظات لأن الإسكندرية عروسة البحر المتوسط وبتحضن كل أهالي محافظات الوجهين القبلي والبحري كل واحد نشر اسم العيش الفينو في محافظته
وبقى اسم الخواجة فينو هو براند العيش الأفرنجي في مصر.

• بعد تلقيها إشادات السوبرانو أميرة سليم : “بنحب المصرية” تحية إجلال للمرأة.. فيديو
• في ختام ملتقى «ميدفست – مصر»..«ماما» أفضل فيلم و«بتتذكري» يحصد جائزة الجمهور
• اسعاد يونس تقرر عرض فيلم ” التاروت ” ليلة رأس السنة الميلادية
• مروان عمارة: في الفترة الأخيرة تغيرت النظرة حول الأفلام التسجيلية بعدما كانت تقريرية أكثر في الماضي
• د. أحمد أبو الوفا: تأثير الفن عظيم جدا وفيلم حرب الفراولة أبرز لنا خطورة الشعور بالملل