جيهان محمود تكتب: أعراض إنسحاب

لما بتكون بتحب لدرجة ممكن توصل إن الدنيا كلها مربوطة بالشخص ده، مود حياتك كلها مرتبطة بيومك كله، متقسم عليه حاجة واحدة بس بتكرهها علشان دي الحاجة الوحيدة اللي بتبعدك عنه النوم، وأحيانًا كمان ممكن يجيلك في أحلامك يسليك عقبال ما الوقت ده يعدى.

بتصبح أسير ليه بشكل مرعب ومخيف، ممكن توصلك لإدمان الشخص ده، بتكون فاكر إنه حب لكن في الحقيقة هو تعود مش أكتر، زيه زي أي حاجة أنت اتعودت عليها زي قهوتك الصبح، طريقة أكلك، أي حاجة أنت اتعودت عليها أصبحت سمه خاصة بيك صعب إنك تتخلى عن العادة دي.

لكن أحيانا في عادة بتموت صاحبها زي المخدرات مثلا بتدمر صحته ونفسيته وكل كيانه، كذلك في ناس في حياتنا للأسف أخدنا عليهم لحد ما اتعودنا وربطنا حياتنا بيهم زيهم زي المخدراااااااااااااااااااااات بالظبط، فيه اللي بتبقى علاقة حلوة ومثمرة بالحب اللي بجد، وفي بتبقى علاقة سامة بدمر كيانك كله.

بتبقى عايز تشفى منه تحاول بكل قوتك إنك تخرجه من كيانك زى بظبط المدمن لما يحاول يخرج المخدرات من جسمه.

أصعب مرحلة هي مرحلة (القرااااااااااار) إنك تتخلص منه بتبقى محتاج لكل الدعم النفسى والأحتواء من كل اللى حواليك والاصعب بقى إنك ممكن متلقيش حتى حد يحتويك نفسيا بالعكس بشيلك هم وذنب اختيارك الغلط للشخص اللي أنت مدمنه.

لكن بمجرد أول طريق للعلاج منه بتحس برعشة وكأنها إعلان للثورة للخروجه من حياتك وهي دي اسمها (أعراض الإنسحاااااااااااااااب)، إنسحاب روح جواك عاشت سنييييين أو أيام أو حتى ساعات أه، والله أحيانا ساعات ناس تدخل في حياتك وكأنها زي الطيف أو نسمة هواء في ليلة صيف حااااااااااار بس بتحببك فى نفسك أوى وتقولك أنت إزاى حلو كده وتعلقك بيها ممكن توصل (للإدمااااان) بتكون محتاج لكل قوتك لمحاربته جواك عايز تخرجه بكل قوتك.

بس بمجرد ما يخرج من حياتك . وترجع تتعايش مع حياتك لحد لما توصل لدرجة إنك تعيش حياتك بجد وترجع لنفسك بجد.

بتشوف نفسك فى حته تانية وعالية خالص. وبمجرد أول مواجهه للشخص ده بأى طريقة من طرق التواصل. تستغرب أوى وتقول لنفسك وتسألها هو أنا أزاى كنت مدمن الشخص ده !!!!!!!!!!!!!!!!!! تشوف حقيقة كل عيوبه اللى إدمانك كان مخبيها عليك.

وساعتها بس تعرف إنك شفيت منه . ودى آخر مرحلة من مراحل ( أعراض الإنسحااااااااااااب) . وساعتها تقول لنفسك (حمدلله على سلامتك).

• بعد تلقيها إشادات السوبرانو أميرة سليم : “بنحب المصرية” تحية إجلال للمرأة.. فيديو
• في ختام ملتقى «ميدفست – مصر»..«ماما» أفضل فيلم و«بتتذكري» يحصد جائزة الجمهور
• اسعاد يونس تقرر عرض فيلم ” التاروت ” ليلة رأس السنة الميلادية
• مروان عمارة: في الفترة الأخيرة تغيرت النظرة حول الأفلام التسجيلية بعدما كانت تقريرية أكثر في الماضي
• د. أحمد أبو الوفا: تأثير الفن عظيم جدا وفيلم حرب الفراولة أبرز لنا خطورة الشعور بالملل