بلال قنديل يكتب: خدني الحنين
خدني الحنين لأيام زمان وإحنا صغيرين وفي وسط العائلة متجمعين وبحنيتهم عايشين، العائلة لها مفهوم كبير عند المصريين العائلة يعني السند يعني الدعم يعني حاجات كتير جميلة.. زمان لما كنا صغيرين وكان فيه حب وصلة رحم وناس في وسط الزحمة ومشاغل الحياة متجمعين كنت تحس بارتياح لأنك في وسط أهلك.
العائلة كانت بالنسبة للمصريين مشاركة في كل حاجة في حياتك حتي قراراتك الشخصية لازم ترجع فيها ليهم وتتشاور معاهم؛ لأنك كنت مؤمن أنكم واحد يعني كانوا يفرحوا لفرحك ويزعلوا لزعلك وأول ناس تلقيهم عندك متجمعين وقت تعبك أو فرحك انا لسه فاكر لمتنا حولين جدي وجدتي وضحكنًا وفرحنا واد ايه كنا حاسين بالأمان فرحة مش قادر انساها إلى الآن.. ياه فين أيام زمان.
طبعًا، دلوقتي أنا مقصدش أن العائلة بقت تكره بعض ولكن انشغلوا عن بعض، قلت الزيارات والتجمعات الجميلة اللي كانت دائمًا تحسسك بالأمان الفرق بين زمان والآن هو الإنسان اللي تغير وتغيرت معاه أكثر مبادئ الحياة.
أصبح كل منا يدور في دوامة الحياة يسعي لجلب الرزق وكأن الرزق كله مال نسي رحمه وأهله والدفئ والحنان ونسي أن لمة عائلتك حوليك ده كمان رزق وإن حبهم ليك برده رزق وخوفهم عليك كمان زرق ولما تشعر معاهم بالأمان ده كمان رزق كل منا يبحث عن دفئ العائلة عن الأجداد والأعمام والأخوال ليت الزمان يعود يومًا ويكون الإنسان مثلما كان.
وتعود كلمة العائلة بمعناها الحقيقي وليس كما نري الان ويعود الحب والحنان يملئان قلب الإنسان وتعود الحياة دافئة وهادئة بلمة العائلة.. ونقول للزمان ارجع يا زمان.
- أسماء الصغير تكتب : رحلات بلا حقائب
- أمير كرارة مفاجأة الحلقة الثامنة من مسلسل “ديبو”
- لتمكين ذوي القدرات الخاصة…برعاية وزارة الشباب والرياضةمؤسسة تشانس تقيم ماراثون رياضى بالدراجات لتكريم نخبة من ابطال الرياضة فى مصر
- “أنف وثلاث عيون” ينافس بمهرجان الفيلم العربي بفاميك
- الأحد: فرقة “أنغامنا الحلوة ” وعيد الفلاح وأمسية شعرية ضمن فعاليات وزارة الثقافة
