نور ماضي تكتب: لقيت الطبطبة؟
قبل ما تجاوب و تقول أه أو لا.. عايزاك تفهم إنْ الطبطبة موجودة حوالينا بس أنت اللي مش فاهم معانيها، تعالى نعرف يعني ايه هي الطبطبة؟ ومعانيها؟.
الطبطبة هي البنزين اللي بيشحن العربـية من غيره العربيـة هتتركن لا هتعرف توديك مشوارك ولا أنت هتعرف تدورها وعلشان كده ربنا بـ يرسلنا رحمات نهون و نطبطب على بعض في أيامنا المليئة بالخـنقة والضـيقة.
وبالنــسبة لمعانيها؟.. في مثال ليها:
الطبطبة الربانية: ودي أعظم طبطبة لينا ربنا سبحانه وتعالى بيمد لك إيده اللي مبعوثه فيها كل الأمل والطمأنينة.
في بقى الطبطبة الوجدانية وهي: حُـب عائلتك ومساندتهم ليك، وفاء جدعنة صديق، اثر سببته لشخص ما، حضن واحتواء، جبر وعطاء، رسالة شفاء، إبتسامة رضاء، راحة وإطمئنان، أو فهم إنسان، ونس وكلمة حلوة.
الطبطبة شيء معنوي محسوس وليس شيء مادي ملموس، فهو من القلب الى القلب، وفعلا صدق رسول الله ﷺ بأن (الكلمة الطيبة صدقة)، متتخيلش إن طبطبتك الوجدانية علي اللي حواليك أثرها ايه!
طعم الطـبطبـة بتفرق من إيد ل إيد ومن قلب ل قلب، فـي قلوب كتير بتطبطب علـى قلوبنا لكنْ فـي قلـوب قليلة اوي هي اللـي بتحس بيها.
كلنا محتاجين طبطبة و كلمة حلوة تقوينا وتساعدنا على تخطي اي مِحنْ بنمر بيها في حياتنا.
• خليك الأثر الحنين على اللي حواليك.
• طبطبوا و هونوا على بعض.
قولي بقى لقيت الطبطبة في ايه من دول ؟
- لتمكين ذوي القدرات الخاصة…برعاية وزارة الشباب والرياضةمؤسسة تشانس تقيم ماراثون رياضى بالدراجات لتكريم نخبة من ابطال الرياضة فى مصر
- “أنف وثلاث عيون” ينافس بمهرجان الفيلم العربي بفاميك
- الأحد: فرقة “أنغامنا الحلوة ” وعيد الفلاح وأمسية شعرية ضمن فعاليات وزارة الثقافة
- تحت رعاية وزير الثقافة:رئيس الأوبرا تعلن تفاصيل فعاليات النسخة ٣٢ من مهرجان ومؤتمر الموسيقى العربية
- المايسترو إيمان جنيدي تتألق في حفل معهد الموسيقى العربية
