نانسي إبراهيم تكتب: من حقك تكون إنسان

من حقك تفرح من قلبك .. من حقك تعيش سعيد .. تحب بكل وسعك .. تهنىء بحياتك .. تحيا فى سلام .. ترتاح .. تطمن .. ترضا .. تصدق أحلامك .. وتسعى لتحقيقها.

من حقك تتأثر وتزعل .. تعترض على موقف ضايقك .. تثور على وضع مش عاجبك .. تحزن وتاخد على خاطرك .. تغيب .. وتبعد عن ناس مش مقدرينك .. تتجاهل كلمات تجرحك .. وترحل عن أوضاع مش مريحة .. وتغادر مكان هيتعبك.

من حقك تنكسر لو شايف انك محتاج تهدمك بإيدك عشان تعيد بنائك باردوا بإيدك تانى بس صح .. تنغلق على ذاتك عشان تريحها .. تنعزل علشان ترجع تستعيد طاقتك .. وتسترد عافيتك . من حقك تختار اللى هيريحك ويريح قلبك ويحترم عقلك ويصون غيابك ويراعى وجودك.

من حقك تكون حقيقى .. تتخلى عن كل أقنعتك ، وتلبس بس وشك اللى بيحمل كل خلجات قلبك ، وبيحكى كل افكارك ، وبيطل على كل أحلامك … وتسيب الناس يستخبوا براحتهم ورا أقنعتهم ، ويلبسوا ١٠٠٠ وش ، ويداروا ، ويكدبوا ، ويتجملوا ، ويحللوا ، ويهربوا ، ويغرقوا فى أسبابهم ومبرراتهم ، ويتحججوا بأعذارهم ، ويحاولوا ما فى وسعهم.

وأنت كمان حاول زيهم تفهم إنك مش آلة … ولا عمرك هتكون … إنت ارتضيت تكون إنسان . و لازم تدرك تماماً.. {إن من حقك تكون إنسان}.

• بعد عودتها من البحر الأحمر.. شاهيناز العقاد عضو لجنة تحكيم بمهرجان القاهرة الدولي للفيلم القصير
• احتفالا بأعياد الميلاد : أميرة سليم تشدو بأنشودة إيزيس لأول مرة بإيطاليا..صور
• نيرمين فاخر تكتب : النهاية = بداية جديدة
• ندوة نقاشية لرواية “آخر يوم للقتل” للأديبة هناء متولي .. الثلاثاء
• فيلم كلينك تكشف عن جديدها في سوق البحر الأحمر