بلال قنديل يكتب: كل يوم
كل يوم بيمر علينا بيعلم فينا وبيكون ليه ذكري في حياتنا، كل يوم بتشوف حاجات في حياتك سواء أشخاص مؤثرين بالسلب أو بالايجاب أو مواقف مبهجة أو محزنه المهم انها بردو بتاثر فيك.
كل يوم ممكن يكون روتني أوي أو يوم جديد عليك أو يوم بتعيشه لأول مرة، كل يوم بتشوف حد جديد في حياتك وممكن يخرج برده حد من حياتك، كل يوم بتحب فيه بتحس انك طاير من السعاده أو تعيس بزيادة.
كل يوم بتبقي فيه انسان بتحس وتحاول تسعد غيرك أو غيرك يحاول يسعد، كل يوم فيه طاقة في حياتك سلبية أو إيجابية، كل يوم بتفتح عينيك علشان تعيش يومك في شغلك أو سط ولادك أو حتي بيعدي عليك كده عادي.
المهم انك كل يوم لازم تحاول تسعد نفسك وغيرك لأن طول ما انت عايش اعرف أن حياتك بتمر حاول تعيشها وانت راضي حاول تكون طاقة نور حول تكون ايقونة للي حواليك.
كل يوم هو يومك هو انت هو حياتك هو طريقك اللي انت ماشي فيه هو نورك اللي هينور طريقك
اسعد نفسك سيبك من اي حاجة سلبيه مرت عليك اجتهد علي نفسك طور من عملك.
اعرف ان يومك ده بيمر من عمرك حاول تعيشه زي ما انت عايز زي ما انت حاسس زي ما انت بتحلم
وهي ديه حكاية كل يوم، عيش يومك اسعد نفسك طور حياتك خليك ايجابي يومك ملكك مش ملك حد تاني.
