«نكدية ولا هادية».. اعرف أنواع الستات وشخصياتهم
سحر شوقي
الأنثى عامة كائن حساس جدًا وعاطفي لأبعد الحدود، ولكن نتفق أن الستات أنواع خصوصًا لما يقفشوا أو يتخانقوا يتحولوا 360 درجة وتتحول واحدة ثانية خالص وده يرجع لشخصيتها أو طريقتها فى التعبير عن الزعل ولذلك سوف نتعرف من خلال هذا المقال.
- الست النكدية اللى بتعيط مش بتتكلم
هذا النوع من الستات دموعها سبقاها واول ما بتضايق أو حد يزعلها بتفتح في العياط.
- الست اللى بتنفجر زى البركان وتطلع القديم والجديد
هذا النوع من الستات بتفضل شايلة وحاطة فى نفسها وساكتة بس بتيجي عليها مرحلة بتطلع فيها القديم وهتبقى فاكرة حجات حصلت من سنين.
- الست العاقلة الهادئة
هذا النوع من الستات بتكون عاقلة جداً وبتتكلم بالمنطق ولو حاجة زعلتها فى يومها هتيجى تقولك ضايقنى واحد اثنين ثلاثة بمنتهى الهدوء والاحترام.
- الست العصبية اللى بتقول كلام دبش
هذا النوع من الستات صريحة جداً مع انها بتتعصب وبتخرج من بوقها دبش ولو ضيقتها هتلاقى اتفتحت فى الزعيق ومش هتخلص.
- الست الغلبانة اللى تتحط على الجرح يطيب
هذا النوع من الستات بتبقى غلبانة بطريقة مش طبيعية وبتبقى قلقانة تقول لحد أنها زعلانه أصلاً.
- الست الشرانية اللى لازم تبعد عن وشها السعاة دي
هذا النوع من الستات اللى عفاريت الدنيا بتنطط قدامها وهى متعصبة أو متضايقة وممكن تعمل تصرفات متخلفة وغير متوقعة على الاطلاق.
- الست الأوفر زيادة عن اللزوم
هذا النوع من الستات اللى بتبالغ فى كل شئ كالغيرة والرغبة والرومانسية أو الاستقلالية.
- الست اللى مقضيها شوبنج وخروج
وهذا النوع من الستات اللى مضيعة فلوسها على الشوبنج والخروج مش بتعرف تحوش.
