عبير العبد تكتب : لونك ايه يا قمر ؟
بعتبر كل انسان يقرأ مقالى قمر ، وبالتالى ..القمر اللى يحب اللون البمبى خيالى ورومانسى ومخلص وشكاك وهدفه فى الحياة نجاحه فى عمله وطموحه سقفه السماء وعنيد وبنك معلومات ويتمتع بذاكرة رقمية لصفاء تفكيره ومتحدى لأى تشويش ويكره القيود ويعشق الحياة بحرية حيث تنطلق طاقاته .
القمر اللى يحب اللون البنى مليان شجن ويميل للبكاء ويبدع فى مجال الازياء لحبه فى ابتكار الخطوط وتركيب الالوان مع بعضها ونجومية البنى تتألق عندما يحزن ايجرحه حبيبه ويعشق لبس الجينز كل من يعشق درجات البنى واناقته لا حدود لها.
القمر اللى يحب اللون البنفسجى بدرجاته يعشق حتى المنتهى من كل قلبه وممكن يضحى بحياته وبكل ما يملك عشان حبيبه وحنانه بلا حدود وكريم ومعطاء ويحتضن كل من يحتاجه .
القمر اللى يحب اللون البرتقالى جرىء وسريع التفكير ومنظم ويحب بجنون ويعمل باتقان وصاحب صاحبه وقائد فى فريق عمله .
القمر اللي يحب اللون الرمادى دبلوماسى بارد ويعشق الكذب ولا يعرف العشق بصدق .
القمر اللى يحب اللون الازرق عاطفى ورقيق المشاعر ويعشق الرومانسية ويكره الصوت العالى والنكد.
القمر اللي يحب اللون الاصفر غيور ومندفع ومتسرع ومتحمس وايقاعه سريع وعملى .
القمر اللى يحب اللون الاخضر يعشق الطبيعة وتلقائى وصريح وواضح .
القمر اللى يحب اللون الاحمر نارى ومزودها فى كل حاجة ومتمسك برأيه ومؤمن بقدراته .
القمر اللى يحب اللون الابيض قلبه صافى وما يخنش حبيبه .
القمر اللى يحب اللون الاسود عبقرى.
