تشتريه ولا لا.. سمرة هتقولك
كل أنثى بتبقى نفسها تشترى منتجات للبشرة او للشعر أو للصحة مفيدة لها لكن هتشترى ايه ولا ايه ، الأسواق و السوشيال ميديا مليانة أنواع و أشكال ، و أنا زيكم طبعا .
وهنا فى “ويك إند” أنا هقولكم كل مرة تجربتى مع منتج للبشرة أو للشعر أو للصحة، استخدمته و نتيجته كانت ايه ، و تشتريه ولا لا ، محاولة لمساعدتكن و نفسى فى الاختيار .
و الكلام على ايه المرة دى ؟ هقولكم
تساقط الشعر و تغذيته مشكلة بتقابلنا و بعيدا عن التغذية أو المشاكل الصحية ، هقولكم على” هير أويل” hair oil ، نتيجته رائعة هو ” nat ” .
تساقط للشعر كان بشكل جامد فاستشرت طبيب فوصف لى ” Nat” و بعد استخدامه و هو بوضع قطرات فى فروة الرأس مع التدليك يومياً ، و طبعا لازم صبر ، فى الأول لاحظت أن التساقط قل بسرعة ، و المفاجأة أنى لقيت بيبى هير طلع جديد و كل ده و قبل ما اخلص زجاجة واحدة.
وهو عبارة عن اسبري غير زيتى ، اتقل من السيرم شوية و كمان بيطرى الشعر لأنى كنت بضع بعض النقاط اوزعها على أطراف الشعر لعلاج التقصف .
فطبعا ده منتج متميز لانه يحتوى على مكونات طبيعية مثل زيت اللوز و زيت الچوچوبا و زيت جوز الهند و زيت الزيتون و زيت السمسم .
و اشجعكم تشتروه وهو متاح فى الصيدليات و كمان سعره رخيص بالنسبة للنتيجة يترواح من 70 ل 80 جنية و حجمه 120 مل .
و لأى استفسارات مراسلتى … و أى حد عنده تجربة مع منتج و حابب يكتب عنها مع إرسال صورة المنتج فى انتظاركن و أتمنى أكون أفدتكن.
