تشتريه ولا لا .. مع سمرة

سيرم ever pure للشعر

كل أنثى بتبقى نفسها تشترى منتجات للبشرة او للشعر مفيدة لها لكن هتشترى ايه ولا ايه ، الأسواق و السوشيال ميديا مليانة أنواع و أشكال ، و أنا زيكم طبعا .وهنا فى “ويك إند” أنا هقولكم كل مرة تجربتى مع منتج للبشرة أو للشعر أو للصحة، استخدمته و نتيجته كانت ايه ، و تشتريه ولا لا ، محاولة لمساعدتكن و نفسى فى الاختيار .

Ever pure سيرم للشعر ، فى منه انواع مش نوع واحدة ولأن تجربتى معه كانت للاسف غير مرضية 😏😔 فجربت نوع واحد بس 👎👎و لم أحاول أجربه تاني.

ever pure علاج الكيراتين البرازيلي وده النوع اللى اشتريته ، و المفروض مكتوب عليه انه يحتوى على مزيج من زيت جوز الهند الغني بمضادات الأكسدة جنبًا إلى جنب مع بروتينات الكيراتين لتقوية وتنعيم الشعر ، و زيت الأفوكادو للحصول على خصلات شعر مستقيمة وقوية ، ليضيف توهجًا لامعًا وتألقًا مضيئًا ، و أحب اقول أنه مش بيعمل أى حاجة من دى خالص ، هو ناعم بس على أيدك قبل ما تحطيه على شعرك لكن الشعر بعد دقائق ولا لمعة ولا نعومة ولا أى تأثير ، لكن الحق راحته جميلة جدا.

أنا طبعاً هنزل صورته و كمان هصوره اللى استخدمتها لأنى طبعاً مكملتهاش لانعدام التأثير ، وكمان لأن بالنسبة لسعره اللى يترواح من 120 ل 150 فى منتجات أفضل بكتير بنفس السعر .

و لو اتسألت تشتريه ولا لا ، هقولكم لا لا .