رأيك

عبير العبد تكتب : اضحك تضحك لك الدنيا

الضحكة بتشفى الوجع فى الروح قبل وجع القلب ولما تضحك بجد تلاقى كل حاجه حواليك فجأة بتضحك معاك يعنى مش كذب انى لما اضحد تشحك ليا الدنيا بتفاصيلها .

احلى تفصيله فى الضحكة التجديد فى الامل والتفاؤل اللى بتلاقيه ظهرلك اول ماتضحك وكأن ربنا بيكافئك انك ضحكت وبيقولك عيش الحياة بقى يالا فرفش وانسي النكد والحزن والزعل مهما حصل لان مفيش فايدة منهم والفايدة الحقيقية فى الضحكة .

صوت الضحكة ورسمتها على شفايفك تأثيرهم مضمون على الصحة والحالة النفسية وعن تجربة لما تسمع صوت ضحكتك بتتفاءل وتحس بوجود الخير ولماتشوف شفايفك بتضحك فى المرايا بتفرق معاك كتير وبتستقبل يومك ببهجه وراحة بال وأمان وبتواجه اى تجدى بقوة وثقه بمجرد ماتشوف ضحكتك فى المرايا وتصبح على نفسك برضا وثقه فى الله قبل ماتصبح على الناس ،ده انت لو مكسل هاتنده للنشاط بصوت عالى لو ضحكت بجد من قلبك وانت بتبدأ يومك .

عارفه أن القمر أو القمرايه اللى بيقروا المقال ممكن يندهشوا ويستغربوا ويتعجبوا من كلامى ويقولوامعندهاش هموم ..لا بالعكس ..بس مسلماها لله صاحب القدر وعالم الاجل وعنده العلم بالسر والعلن ..يبقى ببساطة انا مفيش فى ايدى حاجه غير انى اعمل اللى عليا واسيب الباقى على ربنا واسعى بما استطيع واشتغل واتقى الله فى نفسي وفى كل الناس اللى حواليا وضميرى هو قائدى واول اسلحتى هى الابتسامه والصبر صاحبى جدا بعد الضحكة .

عارفين أن الضحكة بتخلينا نفضل شباب مهما كبرنا لانك كل ما تضحك افراز الدوبامين بيزيد وافراز الانسولين يتوازن ويتظبط ضغط الدم وترتاح عضلة القلب وتنتظم ضرباته وترتاح الدورة الدموية وتهدأالاعصاب ويتمتع الجلد والشعر والاظافر بوصول الدم لهم بانتظام وده يريح جسمك ونفسيتك وروحك وعقلك يصله دم صافى ورايق وتقل اصابتك بالامراض ويقل انفعالك وبالتالى تقل اخطاءك وتصبح قراراتك كلها سليمه ودى اهم نتيجه للضحك والابتسام اللى له مفعول السحر على الانسان .

صدقونى كل كتب ربنا بتأمرنا بالتفاؤل والابتسامه الدايمه والضحك مع اولادنا وقتل الحزن بالفرحة لاقل حاجه مع كل اللى حوالينا لاننا هانعيش مرة واحده من حقنا نكون فرحانين ومبسوطين مهما كانت التحديات الؤومية والصعوبات والمشاكل أكيد ربنا رحيم بينا ،لازم نثق فى الله ونقابل بالابتسامة والضحكة كل العقبات اليومية عشان نفضل بقوتنا والحياة تستمر ..اتفقنا ..اضحك تضحك لك الدنيا ياقمرات..بحبكم .

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock