مي سعيد تكتب : كل يوم حب

احلى حاجه في الحب انك تتحب
عملوا عيد للحب والحقيقه الحب عايز كل يوم عيد
الحب ساحر بيخطف قلبك من غير ما تحس تبقى لسه بتتنفس تلاقي قلبك حب وروحك عشقت وتحس انك اتسحبت ولا عارف تاخد خطوه لورا ولا خطوه لقدام اتثبت ووقعت في الحب ، اتعلقت وانشقلب حالك عايز اللي بتحبه معاك طول الوقت عينك متنزلش من عليه عشان كده افضل لغات الحب التواجد .

احلى شعور في الحب انك تحس بسلام نفسي مع اللي بتحبه بتحكي وتشتكي وتتكلم وانت عارف انه فاهم قلبك وعاشق روحك تبصله تلاقي قلبك بيدوب وعيونك دبلانه وهيمانه وتاخد تنهيده وتقول معقول القمر ده بيحبني وتحس ان مفيش حد في الدنيا حب ولا عشق زيك وان مفيش اصلا عشاق غيركم ، كل واحد بيعبر عن الحب بطريقه مختلفه بس احلى تعبير عن الحب الكلام الحلو اللي يملى القلب والعين والروح ، والاهتمام بكل تفصيله مهما كانت صغيره تغرقك حب ، تبقى في وسط ناس كتير ولا شايف غيروه ولا سامع غيروه
لو اتكلمنا عن الحب ولغاته وهمساته وحركاته مش هيكفي عمر بحاله.

الحب كفيل يخليك مش عايز حاجه من حياتك غير ان حبييك يبقى جنبك يبقى ضمك لقلبه
حبوا واتهنوا وعيشوا في سلام الحب مش كلام الحب علاج للقلب من كل اوجاع ومن كل الآم♥️