انوسة كوتة تكتب : حكاية حبي لمدحت و رحيم

الحب أحساس عبقری بيطلع في أحاسيس مختلفة
مرة وأنا بحب مامتى وبابايا ( لانه اول حب في حياتي ) .. ومرة وانا بحب لعبى الخاصة اللي بالنسبة لي و أنا طفلة كانت الاسود والنمور جزء كبير منهم كانوا اصدقائي و فضل ده مستمر معايا لحد ما حبيت اول حب حقيقي في حياتي وهو جوزي و حبيبى اللى هو اعترف لی وقالي انتي اخر فرصة ليا للحياة لانه كان بيمر بظروف مش لطيفة في حياته وانا قولت بيجاملني بكلمتين مكنتش اعرف ان فعلا طلعت اخر فرصة ليه .. وطلعت ملهمته كمان وأمه وده احساس صعب لأن طول عمرى عندى احساس الامومة اتجاه الحيوانات المفترسة فأول مرة الشعور ده احسه مع حبيبى انه شايفني ان امه رغم فرق السن و الخبرة حوالي ١٠سنين ۔ بس ده مكنش مزعلني بالعكس دا حسسنيي اتجاهه بالمسؤولية وهو ماحسسنيش بالفرق ده بالفرق ده ..احساس الأمومة اكتمل لما بقيته ام بجد لأجمل شيء فى حياتى وهو ابني( كنز ) وكأني حسيت ان عمري ما کنت ام قبل كده ..وكل ده كان مجرد تمرينات لظهور دور الامومة الحقیقی – كل اللى حواليا كانوا بيحبوا في طريقة حبى ليهم لأنه مختلف کنت ببدل الادوار واقف مكان اللي بحبه وبشوفه هايحب ايه ..؟ اعمله عشان كده كله كان بينبهر في طريقة حبي مع الاخر
واتعلمت أحب كل حاجة – أحب حاجتی و شباكي اللي بفتحه الصبح واشوف الشمس منه ويديني طاقة ايجابية وجاذبة للحاجات الحلوة بس ..حبيت موبيلي الى كل يوم يديني معلومة جديدة واحب عربيتي اللى بتوصلني لكل الحاجات الحلوة والاماكن والمشاوير اللى عايزة انجزها
و أقوى حب هو حبي لحاجة غالية قوى عليا وافتقدها وعملت فيا جرح و شرخ وهو أول نمر يكون بتاعي أنا .. النمر (مدحت) لما مات بین ایدیا ومعرفتش اعمل حاجة وبرضو وفاة زوجي و معرفتش اعمل حاجة
الحاجة الوحيدة اللى اكتشفاتها ان لما بحب حاجة قوى بتروح مني
وأتعلمت في عيد الحب عام ٢٠٢٥
أن ما أحبش حاجة