هناء زغلول تكتب: الست المكسوفة

الحياء مطلوب والحشمة وقار بس يا ترى إيه الحل مع الست لما تتجوز وتفضل عايشه في دور المكسوفه ومحافظة على وقارها مع جوزها!. وهل دا يتحط تحت بند الوقار؟!.

كل واحد لما بيتجوز عايز يحس بالونس والسكينه ويكون علي راحته مع شريكه حياته مش هيعيش عمره كله محافظ علي اسلوبه وطريقته في الكلام حتي في بيته.

طب ما هو بيتعامل بوقار مع زميلته في الشغل ومع جيرانه واهله وحتي مع امه واخواته ايه المتنفس ليه غير شريكه حياته اللي بيستني منها تخرجه من حياه الروتين والشكليات.

كسوفك ومحافظتك على وقارك مع جوزك بيقتل مشاعر كتير بينكم، وبتبني سور عازل بينك وبينه مع مرور الوقت هتبقوا زي الأغراب ومش هتكوني الونس اللي بيلجأله وقت حاجته ولا هيعرف يفضفض معاكي ويحكي عملتي جدار عازل بينكم بسبب تحفظك معاه.

الزوج محتاج يحس ان بيته هو المكان الوحيد اللي هياخد فيه راحته ويكون علي طبيعته مش عايز واحده تكلمه بتكلف و تحسسه انه قاعد مع حد غريب عنه.

عزيزتي المرأة.. مهما وصلتي من درجات العلم والمركز الاجتماعي فأنتِ في النهايه إمراه لازم تكوني حنونه و حساسه تحتوي شريك حياتك لازم يحس بعطفك عليه، بدل ما يدور علي اللي نقصه مع حد غيرك.

• تحت رعاية وزارتي السياحة والآثار والخارجية واللجنة الوطنية المصرية لمنظمة اليونسكو…”آرت دي إيجيبت” تكشف تفاصيل النسخة الثالثة من معرضها الدولي “الأبد هو الآن”
• تامر عبدالمنعم يعلن عن ندوات تعريفية لمنح الدعوة المفتوحة للفناتين في جميع محافظات مصر
• منال سعيد تكتب : كلام في الحب .. ايام في الحلال !!!!!
• غدا.. انطلاق فعاليات المؤتمر الدولي الأول لعلم التغذية
• عرض “فريدة” يشارك فى مهرجان الخريف الدولي للمسرح ببلغاريا